• ENG

ARARAT

Երևանի կոնյակի գործարանի լեգենդար ARARAT կոնյակները Հայաստանի, նրա պատմամշակութային ժառանգության խորհրդանիշն են և ներկրվող կոնյակի № 4 ապրանքանիշն աշխարհում:
Հայկական կոնյակագործության սկիզբը դրվել է 1887 թ․՝ առաջին գիլդիայի վաճառական և բարեգործ Ներսես Թաիրյանի կողմից, ով առաջին անգամ իր գործարանում ներդրեց սպիրտի թորման դասական ֆրանսիական տեխնոլոգիան:
Արդեն 1902 թ․ տաղանդավոր կոնյակագործ Մկրտիչ Մուսինյանցի կողմից թողարկված «Ֆին-շամպայն ընտիրը» XX դարի սկզբին Ֆրանսիայում կայացած մրցույթում արժանացավ բարձրագույն՝ «Գրան պրի» մրցանակի, ինչով և տրվեց հայկական կոնյակների հաղթարշավի մեկնարկը։
1937 թ․ գործարանում աշխատանքի է ընդունվում Մարգար Սեդրակյանը, ում հեղինակած բաղադրատոմսի շնորհիվ շատ լեգենդար ARARAT կոնյակներ են ստեղծվում։ Նրա անվան հետ են կապված ARARAT-ի պատմության ամենամեծ նվաճումները, պարգևներն ու միջազգային հեղինակությունը․ «ՀՈԲԵԼՅԱՆԱԿԱՆ», «ՀԱՅԱՍՏԱՆ», «ԵՐԵՎԱՆ», «ԴՎԻՆ», «ԱԽԹԱՄԱՐ», «ՏՈՆԱԿԱՆ», «ՆԱԻՐԻ»․․․   Իրավամբ տեղին էին համաշխարհային հռչակ վայելող Վարպետաց վարպետի մասին Բորիս Պաստերնակի խոսքերը․ «Մարգար Սեդրակյանը ստիպեց աշխարհին ընդունել, որ կոնյակը խոսում է հայերեն»:
Ավելի քան 130 տարվա կոնյակագործության ավանդույթները պահպանող և բազմաթիվ սերունդների կյանքի անբաժանելի մասը դարձած ARARAT-ի փունջն անհնար է վերարտադրել Հայաստանից դուրս։ Եվ սա նաև շնորհիվ այն բանի, որ այս կոնյակների արտադրության մեջ օգտագործվող ու բացառապես Արարատյան դաշտում աճող խաղողի տեսակներն այլ կլիմայական պայմաններում չեն ապրում կամ կորցնում են իրենց բնորոշ համային հատկությունները:
Իրենց վառ համով ARARAT կոնյակները պարտական են նաև ծովի մակերևույթից մոտ 700 մ բարձրության վրա գտնվող Արարատյան դաշտի կլիմայական պայմաններին, տարվա մեջ մոտ 300 արևոտ օրերին, ավելի քան 30 տեսակի հողային ծածկույթներին, տեղական խաղողի տեսակների բազմազանությանն ու Երևանի կոնյակի գործարանի վարպետների եզակի տաղանդին: 
Այս կոնյակներն արտադրվում են գոլորշու վրա կրկնակի թորման ընթացքում ստացված կոնյակի սպիրտների ամենանուրբ` «սիրտ» բաժնից. ընդ որում՝ կրկնակի թորման շնորհիվ պահպանվում են խաղողի բույրն ու համը` փոխանցվելով կոնյակի սպիրտներին։ Նրանց կուպաժավորման ժամանակ օգտագործվում է բացառապես Կաթնաղբյուրի բնական աղբյուրի ջուրը, իսկ հնացման փուլն անցնում է գործարանի սեփական տակառագործական արտադրամասում ձեռքով պատրաստված դարավոր կովկասյան կաղնեփայտե տակառներում: 

ARARAT CHARLES AZNAVOUR SIGNATURE BLEND

Հուշանվերային տուփով Այո
Գույնը խիտ մուգ սաթիհին փայտի, իրիսային կարամելի և շոկոլադի նոտաներ` ստվերված մատատուկի երանգներով` կարմիր ծառի նրբերանգներով և հին ոսկու փայլով
Բույրը հին փայտի, իրիսային կարամելի և շոկոլադի նոտաներ` ստվերված մատատուկի երանգներով
Համը չրերի և մատատուկի հարուստ երանգներ
ԿՋոուլ/կկալ 928 ԿՋոուլ / 224 կկալ
Թնդություն 40%
Տարողություն 0.75 Լ
Արտադրող Երևանի կոնյակի գործարան
ARARAT CHARLES AZNAVOUR SIGNATURE BLEND
ARARAT CHARLES AZNAVOUR SIGNATURE BLEND
Գին:

100 000 ֏

Քանակ:
ԱՎԵԼԱՑՆԵԼ

«ARARAT Charles Aznavour Signature Blend»-ի ստեղծման համար ներշնչանքի աղբյուր է հանդիսացել մեծ շանսոնյեի անցած ճանապարհը. այս կոնյակի բացառիկ կուպաժը բաղկացած է հազվագյուտ հնագույն սպիրտներից, որոնք արտացոլում են Շառլ Ազնավուրի ստեղծագործական ուղու կարևորագույն պահերը: 1956 թվականի սպիրտը խորհրդանշում է երգչի հաղթանակը Փարիզում, 1960 թ. սպիրտը՝  Je m'voyais déjà («Ես ինձ արդեն տեսել եմ»), իսկ 1981 թ սպիրտը՝ Unevied'amour («Հավերժ սեր») երգի հետ կապված համաշխարհային հռչակը։

ARARAT կոնյակների և Շառլ Ազնավուրի բարեկամությունը երկար և ոգեշնչող պատմություն ունի․ մեծ երգիչն ու նրա ընտանիքն անմիջական մասնակցություն են ունեցել այս կոնյակի ստեղծման բոլոր փուլերին՝ սպիրտների ընտրությունից մինչև ձևավորման հաստատումը: Իսկ 2017 թ. մայիսի 30-ին Շառլ Ազնավուրն անձամբ այցելել է ARARAT թանգարան՝ պատմական համագործակցության վրա իր ինքնագիրը դրոշմելու: