• ENG

ARARAT

Երևանի կոնյակի գործարանի լեգենդար ARARAT կոնյակները Հայաստանի, նրա պատմամշակութային ժառանգության խորհրդանիշն են և ներկրվող կոնյակի № 4 ապրանքանիշն աշխարհում:
Հայկական կոնյակագործության սկիզբը դրվել է 1887 թ․՝ առաջին գիլդիայի վաճառական և բարեգործ Ներսես Թաիրյանի կողմից, ով առաջին անգամ իր գործարանում ներդրեց սպիրտի թորման դասական ֆրանսիական տեխնոլոգիան:
Արդեն 1902 թ․ տաղանդավոր կոնյակագործ Մկրտիչ Մուսինյանցի կողմից թողարկված «Ֆին-շամպայն ընտիրը» XX դարի սկզբին Ֆրանսիայում կայացած մրցույթում արժանացավ բարձրագույն՝ «Գրան պրի» մրցանակի, ինչով և տրվեց հայկական կոնյակների հաղթարշավի մեկնարկը։
1937 թ․ գործարանում աշխատանքի է ընդունվում Մարգար Սեդրակյանը, ում հեղինակած բաղադրատոմսի շնորհիվ շատ լեգենդար ARARAT կոնյակներ են ստեղծվում։ Նրա անվան հետ են կապված ARARAT-ի պատմության ամենամեծ նվաճումները, պարգևներն ու միջազգային հեղինակությունը․ «ՀՈԲԵԼՅԱՆԱԿԱՆ», «ՀԱՅԱՍՏԱՆ», «ԵՐԵՎԱՆ», «ԴՎԻՆ», «ԱԽԹԱՄԱՐ», «ՏՈՆԱԿԱՆ», «ՆԱԻՐԻ»․․․   Իրավամբ տեղին էին համաշխարհային հռչակ վայելող Վարպետաց վարպետի մասին Բորիս Պաստերնակի խոսքերը․ «Մարգար Սեդրակյանը ստիպեց աշխարհին ընդունել, որ կոնյակը խոսում է հայերեն»:
Ավելի քան 130 տարվա կոնյակագործության ավանդույթները պահպանող և բազմաթիվ սերունդների կյանքի անբաժանելի մասը դարձած ARARAT-ի փունջն անհնար է վերարտադրել Հայաստանից դուրս։ Եվ սա նաև շնորհիվ այն բանի, որ այս կոնյակների արտադրության մեջ օգտագործվող ու բացառապես Արարատյան դաշտում աճող խաղողի տեսակներն այլ կլիմայական պայմաններում չեն ապրում կամ կորցնում են իրենց բնորոշ համային հատկությունները:
Իրենց վառ համով ARARAT կոնյակները պարտական են նաև ծովի մակերևույթից մոտ 700 մ բարձրության վրա գտնվող Արարատյան դաշտի կլիմայական պայմաններին, տարվա մեջ մոտ 300 արևոտ օրերին, ավելի քան 30 տեսակի հողային ծածկույթներին, տեղական խաղողի տեսակների բազմազանությանն ու Երևանի կոնյակի գործարանի վարպետների եզակի տաղանդին: 
Այս կոնյակներն արտադրվում են գոլորշու վրա կրկնակի թորման ընթացքում ստացված կոնյակի սպիրտների ամենանուրբ` «սիրտ» բաժնից. ընդ որում՝ կրկնակի թորման շնորհիվ պահպանվում են խաղողի բույրն ու համը` փոխանցվելով կոնյակի սպիրտներին։ Նրանց կուպաժավորման ժամանակ օգտագործվում է բացառապես Կաթնաղբյուրի բնական աղբյուրի ջուրը, իսկ հնացման փուլն անցնում է գործարանի սեփական տակառագործական արտադրամասում ձեռքով պատրաստված դարավոր կովկասյան կաղնեփայտե տակառներում: 

ARARAT SINGLE CASK 12 YO

Հուշանվերային տուփով Այո
Գույնը բաց սաթի՝ թանկարժեք կարմրափայտ ծառի հարուստ երանգներով
Բույրը սալորաչրի, ծաղիկների և կարամելային վանիլի հյութալի երանգների ներդաշնակ համադրություն
Համը հաճելիորեն այրող հետհամային զգացողության փոխակերպվող շաքարով մրգերի, տապակած պնդուկի, սալորաչրի նրբահամեր
ԿՋոուլ/կկալ 940 ԿՋոուլ / 230 կկալ
Թնդություն 57%
Տարողություն 0.75 Լ
Արտադրող Երևանի կոնյակի գործարան
ARARAT SINGLE CASK 12 YO
ARARAT SINGLE CASK 12 YO
Գին:

78 000 ֏

Քանակ:
ԱՎԵԼԱՑՆԵԼ

Հայաստանի հյուսիսի սառը կլիման «ARARAT Single Cask 12 YO»-ին հաղորդել է բացառիկ նրբություն, իսկ Տավուշի տարածաշրջանի ստորգետնյա մառաններում 12 տարվա հնացումը` նուրբ ու բազմաբովանդակ համ: Այս կոնյակի արտադրության համար օգտագործվում է բացառապես Լալվար էնդեմիկ տեսակի խաղող, ինչը սպիրտը դարձնում է հատկապես ներդաշնակ և ավարտուն: «ARARAT Single Cask 12 YO»-ը նաև չի ենթարկվում սառը զտման, ինչը թույլ է տալիս հնարավորինս պահպանել խմիչքին բնորոշ յուրահատուկ նրբերանգները:

 

Խցանը և հուշանվերային տուփը զարդարված են փայտի նախշով, իսկ պիտակի վրա տեսանելի է կոնյակագործ վարպետների ոգեշնչման հիմնական աղբյուր հանդիսացած Արարատ լեռան ուրվագիծը։