• ENG

ARARAT

Երևանի կոնյակի գործարանի լեգենդար ARARAT կոնյակները Հայաստանի, նրա պատմամշակութային ժառանգության խորհրդանիշն են և ներկրվող կոնյակի № 4 ապրանքանիշն աշխարհում:
Հայկական կոնյակագործության սկիզբը դրվել է 1887 թ․՝ առաջին գիլդիայի վաճառական և բարեգործ Ներսես Թաիրյանի կողմից, ով առաջին անգամ իր գործարանում ներդրեց սպիրտի թորման դասական ֆրանսիական տեխնոլոգիան:
Արդեն 1902 թ․ տաղանդավոր կոնյակագործ Մկրտիչ Մուսինյանցի կողմից թողարկված «Ֆին-շամպայն ընտիրը» XX դարի սկզբին Ֆրանսիայում կայացած մրցույթում արժանացավ բարձրագույն՝ «Գրան պրի» մրցանակի, ինչով և տրվեց հայկական կոնյակների հաղթարշավի մեկնարկը։
1937 թ․ գործարանում աշխատանքի է ընդունվում Մարգար Սեդրակյանը, ում հեղինակած բաղադրատոմսի շնորհիվ շատ լեգենդար ARARAT կոնյակներ են ստեղծվում։ Նրա անվան հետ են կապված ARARAT-ի պատմության ամենամեծ նվաճումները, պարգևներն ու միջազգային հեղինակությունը․ «ՀՈԲԵԼՅԱՆԱԿԱՆ», «ՀԱՅԱՍՏԱՆ», «ԵՐԵՎԱՆ», «ԴՎԻՆ», «ԱԽԹԱՄԱՐ», «ՏՈՆԱԿԱՆ», «ՆԱԻՐԻ»․․․   Իրավամբ տեղին էին համաշխարհային հռչակ վայելող Վարպետաց վարպետի մասին Բորիս Պաստերնակի խոսքերը․ «Մարգար Սեդրակյանը ստիպեց աշխարհին ընդունել, որ կոնյակը խոսում է հայերեն»:
Ավելի քան 130 տարվա կոնյակագործության ավանդույթները պահպանող և բազմաթիվ սերունդների կյանքի անբաժանելի մասը դարձած ARARAT-ի փունջն անհնար է վերարտադրել Հայաստանից դուրս։ Եվ սա նաև շնորհիվ այն բանի, որ այս կոնյակների արտադրության մեջ օգտագործվող ու բացառապես Արարատյան դաշտում աճող խաղողի տեսակներն այլ կլիմայական պայմաններում չեն ապրում կամ կորցնում են իրենց բնորոշ համային հատկությունները:
Իրենց վառ համով ARARAT կոնյակները պարտական են նաև ծովի մակերևույթից մոտ 700 մ բարձրության վրա գտնվող Արարատյան դաշտի կլիմայական պայմաններին, տարվա մեջ մոտ 300 արևոտ օրերին, ավելի քան 30 տեսակի հողային ծածկույթներին, տեղական խաղողի տեսակների բազմազանությանն ու Երևանի կոնյակի գործարանի վարպետների եզակի տաղանդին: 
Այս կոնյակներն արտադրվում են գոլորշու վրա կրկնակի թորման ընթացքում ստացված կոնյակի սպիրտների ամենանուրբ` «սիրտ» բաժնից. ընդ որում՝ կրկնակի թորման շնորհիվ պահպանվում են խաղողի բույրն ու համը` փոխանցվելով կոնյակի սպիրտներին։ Նրանց կուպաժավորման ժամանակ օգտագործվում է բացառապես Կաթնաղբյուրի բնական աղբյուրի ջուրը, իսկ հնացման փուլն անցնում է գործարանի սեփական տակառագործական արտադրամասում ձեռքով պատրաստված դարավոր կովկասյան կաղնեփայտե տակառներում: 

ԷՐԵԲՈՒՆԻ 50

Հուշանվերային տուփով Այո
Գույնը ոսկե սաթ՝ պղնձի և կարմրափայտի հարուստ կրակոտ երանգներով
Բույրը համեմունքների, վանիլի, հնացված կաղնու և չրերի վառ երանգների ներդաշնակ համադրություն
Համը պարուրող մետաքս, որը լրացնում են տապակած պնդուկի և շոկոլադի կիսանրբերանգները
ԿՋոուլ/կկալ 940 ԿՋոուլ / 230 կկալ
Թնդություն 40%
Տարողություն 0.70 Լ
Արտադրող Երևանի կոնյակի գործարան
ԷՐԵԲՈՒՆԻ 50
ԷՐԵԲՈՒՆԻ 50
Գին:

850 000 ֏

Քանակ:
ԱՎԵԼԱՑՆԵԼ

50 տարվա հնացմամբ «ԷՐԵԲՈՒՆԻ 50» կոնյակը համալրում է ARARAT-ի ուլտրա-պրեմիում կարգի հավաքածուն, որի սկիզբը դրվել է 2015 թ.՝ «Էրեբունի 30» կոնյակի թողարկմամբ: 

«ԷՐԵԲՈՒՆԻ 50»-ը ARARAT-ի ներկայիս շարքի ամենահնացված կոնյակն է. վառ, հագեցած, անկրկնելի էջ՝   հայկական կոնյակագործության 130-ամյա պատմության մեջ: Այս կոնյակի արտահայտիչ կուպաժն ավելի քան 50 հազվագյուտ սպիրտների ներդաշնակ համադրություն է, որոնցից ամենահինը՝ Երևանի կոնյակի գործարանի գանձարանի հազվագյուտ նմուշը, 104 տարեկան է:

«ԷՐԵԲՈՒՆԻ 50»-ը ներկայացված է երկու գույների՝ սևի և ոսկեգույնի միախառնմամբ առանձնացող դեկանտերով, որի գծագրման համար ոգեշնչման աղբյուր են հանդիսացել օբսիդիանը՝ որպես հայկական հողի սև ադամանդ և առատաձեռնության խորհրդանիշ արևը՝ մարմնավորված դեկանտերի ոսկե հատվածներում: Վերջիններս հիշեցնում են մինչ օրս Էրեբունի ամրոցի հարթաքանդակները զարդարող հին աստվածների թևերը: